C ALVARES
Bollywoodache super Star Dilip Kumar, Rajesh Khanna,Amitabh Bachan ani atam Shah Rukh Khan zalear amchea konkni palkacho super star zaun asa C Alvares. Konkni Palkacho ek okhond khambo. Bhou thodde osle kolakar hea amchea Goyant amkam melltat zannim konknim palka pasot bhorpur yogdan dilam. Konknim palk unchlea panvddear dhovrunk zaitich mehenot kelia anik aplem nanv bhagarachea okxoranim tiatr pollenaranchea kalzancher boroun dovorlam. Oslo kolakar amchea konknim palkak favo zalo ani to anik konn nhoim pun C Alvares.
“Duetancho Raza” oxem mhuntat zannem sogleam von chodd duetam ghoddlim ani vegllea vegllea kolakaram barabor tim ghailim. Tantun zaite zann dadlei kolakar asle zoxe Remmie Colaco, Romaldo, Andrew Ferns. Toxinch tea kalla vhelea soglea chedvam kolakaram borobor tannem torekvar vixoyancher duetam gailim. Bariksanin tachea duetanchea utrancher ani mandavollicher nodor marlear chodd xim ghorabeacher attaplelim aslelim.Bhav bhoinicher, Maim sunecher, Bhav bhavancher. Zaitim comedy duetam tannem ghoddun mhontleant.
Poilech pautti 7 vorsancho astanam taka tachea bapain machier hadlo ani uprant Mumbai aplem fudlem xinkop korun fuddem nokri korunk ghelo tednam Mendonsachea Konkani concertant taka bhag gheunk mevlo. Hea vellar tannem kantaram borounk proytn korunk nam pun Champion Alvares kantaram ghoddun taka mhunonk ditalo. Pun tacho tiatr ‘Atam zanvoim To hanv” 1942 vorsak bhair kadlo tea vellar soglim kantaram tannem ghoddun tim sogleank vanttun mhunonk dilim. Aiz tachem chodd gazlelem kantar “ San Joao” sogleanchea thonddar khevta. Tannem kitlexea Konkani cholchitranim kantaram ghoddun tim mhontleant.
Tachea jivitantlim pon’nas vorsam tannem machie pasot bhettoilim.107 tiatr tannem boroun machier haddle, hi aiz pasun record asa. Ani hozaram vhoir tiatranim bhag ghetlo, chodd korun mukhi bhumika tea tiatranim ani cholchitranim korun.
Celestino Santana Francisco Alvares Machievelem Nanv: C.Alvares
Zolmolo: 1-08-1924 Somplo: 28-02-1999
TIATR 4U 