Alfred Rose

ALFRED ROSE

 

Goyenchea songitachea ani tiatranchea mollar ek noketr zem porzollem tem zaun asa Alfred Rose.  Hanv chodd korun tachea songitachea vavracher ulounk sodtam. Jim kantaram tannem ghoddun ghaileant tanchi kitlich thoknnai kelear unnim zateli. Alfred Rose machier bhitor sorchem adim lokank tachea songitacheruch gomtalem kim Alfred Rose kantar mhunonk yeta.Veg-vegllea vixoyancher anik kherit kumpasacher tannem hozaranim kantaram ghailim. Hem tho korunk pauo kiteak to khas muzgaponn xinklolo. Latin American kumpas thaka khub avodtale anik chodd korun tanchench chalincher to aplim kantaram bosoitalo. Cha-cha-cha, bosa nova, Rumbha vo sambha he khas kumpas tannem aplea kitlexea kantarank bosoileat.Ek ek kantar tachem ek ek kumpasar astalem anik aikonk him kantaram tachea suvadik talleant ekdom borim distalim.

Tache kantaranche vixoy ami poilear veg veglle. Ho ek kantorist zannem sabar chedvanchea nanvancher aplim kantam ghodlim. Dekhik, Esta, Cindrella, Angela, ani kitlixim tumi aikon zannam astele. Kosloi obsoeg zalear to aplea kantaranim bore toren, dukhi sobdanim guntun hadtalo. Hindu zaun, kitlexea vixoyancher tannem kantaram mhontlim. Anik ek tachem khaxelponn mhonchem amche maim bhaxecher tannem kitlixim kantaram ghoddun amchea Goyenkarankuch nhoim pun Mungllurkarank pasum aple avoy bhaxechem vortheponn dakoilem.

Alfred Rose hannem tiatr ani kantaram boroun mhunonk nant pun sahiteachea nodren polloun aplim kantaram ani tiatr pustok rupan xapun hadle. To ek lekhok zannem pustokam boroun xapun haddleant. Poilo goyencho songitkar aplea tropupak gheun poiloch musical show UK, Gulfant, Frankfurt ( Germany) Canadant ani sabar desanim bhounddi korpak. .

“Bogllant”  film-ak tannem songit dilam ani gavop kelam.  Konknni cassett kaddpeank rosto tannench dakhoila.
Alfred Rose zaun asa poilo Konknnint cassette kaddpak. Aiz meren tannem apleo 28 cassetti kaddleat

HMV rikorddincher tannem Mahendra Kapoor, Krishna Kale, Shailendra  Singh, heam navosteam Hindi playback kantorist-ank, kantaram ani songit diun Konknnintlean tancheo rikorddi kaddleat.

Tiatranim ani konknim songit mollar bhorpur yogdan Alfred Rose-an dilem. Aichi pillga pasun tachim kantaram aiz pasun mhontat. Ek mat khorem khoinchea goyenkarak vincharlear ek tori Alfred Rose-achem mhuntolo, don tori volli. Khorench ek mahan songitkar, ek  mahan kantorist . Goyencho ekuch Melody King “Alfred Rose”

Alfred Rose Agostache 5ver 1932 vorsa Aldona zolmolo. Tachem sarkhem nanv zaun asa Rosario Alfred Fernandes. To zaun asa put tiatrist A.M.B. Rose ani Dolorosa Fernandes, hancho.

Sumar oddez vorsancho astanam, taka Bombaint haddun Little Flower of Jesus iskolant ghatlolo.  1939 vorsa taka tachea xikovpean her bhurgeam vangdda ek git gavunk dilem.  He toren to poilo C.J. Hall Museum palkar dislo.

Alfred Rose-ak boro soprano tallo aslo dekhun Valent Mascarenhas, hannem taka Dabulchea Mestirik melloun dilo, zannem taka Sam Francis Xavier-achea festachea Novena-che, Salve-int kantar korunk soeg dilo.

Alfred Rose professional palkar poilech pavtt Miss Ida (Jose Mendes – Aldona), hachea tiatrant dislo Dhobitalao.  Tannem Salvin ani Thomas Coogan, hanchea sangatak ek kantar mhunnlem, ‘Kiteak Jiv Khatai’.

Durea vorgant than to Xavier Iskolant xiktalo, zhoim taka gavpant khup inamam favo zalelim.  Tachi huxearkai polleun J.P. Souzalin hannem taka, ek kherit ispixial bhurgeachi part boroili aplea “Poilea
Cheddeacho Baltim” tiatrant 1945 vorsa Bhangwaddi palakar.

Hea tiatrant Alfred Rose-an part keleli Anton Bautis-achi ani tachea podonichi part keleli Anthony D’Sa hannem.  Tea xivai hea tiatrant Alfred Rose-an gailem ek Inglez Konkani kantar.

Tachi huxearkai polleun C.Alvares-an taka aplea tiatrant ghatlo nanv diun Junior Rose.  Aplea kanatara vorvim tannem lokank dipkhaun uddoile.  Tea uprant C.Alvares-an taka aplea khup tiatramnim ghatlo ani 1946 and 1950 vorsa aplea nanv Jr. Rose aslem tem tannem Alfred Rose kelem.

St. Xavier iskolant xikon, 1949 vorsa to SSC pass zalo ani uprant National Overseas & Grindlays, heam bankimnim tannem nokri keli.

Bhurgechponnim Alfred Rose songit xiklo ani violin ani guittar vazoitalo.  Adim tiatrist rikorrdim voilim Inglez kantaram mhunntale.  Alfred Rose, hannem 1949 vorsa aplem poilench Inglez kantar “Flowers” ghoddlem, ani tea uprant tannem zaitem Inglez kantaram ghoddleant.  Tachem bororeantlem borem Inglez kantar mhollear “Happy Go Lucky Man”.

1956 vorsa tannem aplo poiloch tiatr ‘Yench Tem Karann” Bhangwaddi palkar dakhoilo, zantun tannem mhunnllelem kantar “Mozo Noman” apleak voir kaddteleank man diun.  Tache her lovkik tiatr zaun asat “Rogtak Tannelelo”, “Lakhpoti Nouro”, “Dotor Advogad”, “Bhangaracho Voti”, “Angounnechi Okol”, “Munis vo Deuchar, “Director  Saib”, “Pessaumcar”, adi.

1962 vorsa tannem poiloch non-stop show “Director Saib” dakhoilo.  1960 vorsa to Kid Boxer-a vangdda Afrikek gel’lo tiatr dakhovpak.  Konknni E.P. korpak to zaun asslo poilo kantorist.

Alfred Rose Konknnint Romanxi boroitalo ani uvaddaitalo ani tech porim to apleam kanatarchim putikam uzvaddaitalo.  Tannem “Amchem Noxib”, “Sukhachem Sopon”, “Bogllant”, heam Konknni filmanim bhag ghetla.

Alfred Rose Konknnint Romanxi boroitalo ani uvaddaitalo ani tech porim to apleam kanatarchim putikam uzvaddaitalo.  Tannem “Amchem Noxib”, “Sukhachem Sopon”, “Bogllant”, heam Konknni filmanim bhag ghetla.

“Bogllant”  film-ak tannem songit dilam ani gavop kelam.  Konknni cassett kaddpeank rosto tannench dakhoila.

Alfred Rose zaun asa poilo Konknnint cassette kaddpak. Aiz meren tannem apleo 28 cassetti kaddleat.  Ho zaun assa ek rikordd, karann azunui ekui Konknni  kantoristan 9  vo 10 vhoir cassetti kaddunk nant. Tech porim to zaun asa poilo tiatrist, Dhobitalao-chea
Birla Hallant aplo tiatr palkar haddpak.  HMV rikorddincher tannem Mahendra Kapoor, Krishna Kale, Shailendra  Singh, heam navosteam Hindi playback kantorist-ank, kantaram ani songit diun Konknnintlean tancheo rikorddi kaddleat.
Alfred rose, hachea songit band choltalem “Rosebuds Swing Band” nanvan, zantun tachea dogui bhav, Marshall Rose ani Albert Rose vazoitale.  Tachem ek kherit Inglez kantar mhollear “Light House”.  Hem tachem band kazarank ani her dhobajeank vazoitale.
Alfred Rose-an akaxvannir ani durdixnnear apleo kariavolli dileat, ani azun diit asa.  Tech porim to Mungllurkaranchea show-amnim vantto gheta.
Alfred Rose, hannem Konknni palkar sumar 6 ‘Musical Shows’ dakhoileat, zantlo tacho poilo ‘musical show’ ekdom hitt zalolo.  Aplea tiatr ani show gheun tannem London, Paris, Frankfurt – Germany, Afrikek.