Antonette de Calangute
6ver Marsache zolmololem Konknim Machiechi tragedy Queen “Antonette de Calangute” zinnem eke avoichi bhumika korun shrextt nanv dovorlem tiatranim. Vitorin Pereiran thika machier hadlelem ‘Sangati’ hea tiatran ani tachea bhavachi Bonny-chi “Sangati” ti zali.
100 vorsam Minino de Bandar hachea tiatran tinnem ek boreantli bori bhumika keleli. Adim Rosario Rodrigues hache kitlexe tiatr tem neslam. Teach porim Roseferns hache kitlexe tiatranim tinnem bhag ghetlolo. “Maim tuzo hanv put” he Roseferns-achea tiatrant kelele bhumikecho ugdass zaiteanchea monant aiz pasun astolo. Khoreaninch ek boreantlem borem kolakar amche konknim machiek favo zalelem, bhurgea vidadicher amkam soddun ghelem, hem ek vhodd nuksan amche konknim machiek zalem. Zolmololea tech tarker 2014 vorsak tika moronn ailem.
Tika dog Put asat Clifton ani Collin.
Anil Kumar
Anil Kumar ek boreantlo boro kolakar amche konknim machiek favo zalo. Sadea utrancho, sogleank gorjek pavpi. Ek sahitik, konknincho mogi. Tachem yogdan amche konknim machiek amcheanim visronk zainam, anik fuddle pindga visorchinam oxem hanv sozmotam. Kitlech sobd tachi thoknai korunk ghatlear unne podtelet.
Chandor ganvcho put, Anil Kumarak machiechi khub avodd asli. ‘Zolmanchi Khompti’ ho Moraes hachea tiatrant to poiloch konknim machier proves kelo. Anik fattim vollon tannem pollounk nam. Ek khoddegant kolakar aslolean thaka rokddoch nanvostea Directoranim aplea tiatranim ghatlo.Tannem aplo poilo tiatr boroilo “Othmo’ Tea fattlean tannem sabar tiatr boroun machier haddleat zoxem ‘Dev Podvedar’ ‘Dubhav Ek Uzo’ adi. Tanem ek film VCD kelea Moneak Zap Suttli” Tanech tem film boroilam ani Digdorxit kelam. Tannem sogle unchlea panvddeavelea Directoram vangdda kam kelam.
Aristides Dias
Goychi machi Goyeam ravon vhoir kadlolo ek khoddegant boroupi ani digdorspi Sorgest Bab Aristides Dias. ‘Young Stars of Goa’ ho pongodd tannem ghoddun hea nanvancher tannem zaitech Tiatr boroile ani dakoile.’Doiea’ ani ‘Divorce’ he tache borech nanvloukik zalele tiatr zanche sumar 100 vhoir proyg zalet. Sorgest Aristides-acho zolm dis 30ver Marsache,1928 vorsak.
Mumbai toxe Goyant tache tiatr khub gazlet anik lok up’pott ghalun tache tiatr pollounk vetale. Tache tiatr borouvop ek vegllech torechem astalem, chodd korunk kuttumbacher. Sobit rochun Cant to aplea tiataranim ghali jea vorvim tachea titracho svad anikui vadtalo.
‘Doiea’ ani ‘Divorce’ hea tiatranche tannem 100 vhoir proyg keleat.
J.P.Souzalin
J.P.Souzalin ek khodegant boroinar ani director hacho zolm 22ver Marsache 1904 vorsak zalolo Calvim Ganvan. Konknim machiecho Cecil B De Miles oxe pachartale taka.
Kiteak zim novlam Ten Comandments oslea cholchitranim Cecilan dakhoil’lim toslich novlam J.P.Souzalin konknim machier dakhoitalo. Chodd xe tiatr tache dhormancher vinlele asle.”San Francis Xavier” ho tacho tiatr ekach disak tin pautti dakounk ailo, Princess Theater Bhangwadi., Mumbai.Tannem sogle mellon 40 tiatr boroile. “Saibinicheo Sat Dukhi” ho tacho nanvloukik tiatr.
TIATR 4U 