REMMIE COLACO

REMMIE COLACO

Remmie Colaco Setembrachea 9ver, 1925 vorsa Sanvorddem zolmolo.

Remmie Colaco, hannem aplo poilo tiatr “Satvo Sakrament” 1955 vorsa machier haddlo ani lokancho abru zoddlo.  Azun meren tannem sumar 13 tiatr boroileat, ani tantle chodd lovkik mhollear “Satvo Sakrament”, “Bhauponnacho Kaido”, “Chouto Mandament”, “Sukh Tarvotteachem”, “Zolmancho Gaum”, “Ghorachem Suk”, “Don Kallzam”  ani “Atancho Teomp”. To ho sounsar soddun veche ekmhoino adim mhaka ek soeg meulo tacho nanvloukik tiatr ‘ Atancho Teomp” digdorxit korun amche ganvche nanvostea kolakarank gheun ho tiatr porot ekdam machier loka medem dakouncheak. Uncle Remmie hea tiatrant kantar mhunonk utkuxit aslo pun tachi bolaiki bhogodlea karanan tachea zaunk nam machier yevunk.

Somazik vixoyancher tiatr boroupi ek boro boroinar choddxem familim modem ghodleli gozalincher kotha to boroitalo. Zaitea zanank goddie khobor aschinam. To ek ferocious reader. Vachop korop ho tacho hobby zaun aslo. Tachea lagim itlim English novels aslim, ek lakddachem vhodlem trank bhorun to dovortalo. Bombaim ghel’le pavtti to anik pustokam hadtalo. James Hadley Chase, Earl Stanley Garderner ( Perry Mason), Harrold Robins, Dennis Robbins, Shakespear adi. He tache soglim pustokam hanveim vachleant kiteak dispottim to mhaka ek pustok ditalo. News paper sokallim bostalo to kobar zau pasun vachtalo. Fattlo urlear tovui vachun kobar kortalo. Heach pasot mhaka dista to itlo boro borounk pavlo. Comedy borounk to konankuch aikonaslo. Tachi khubeatay comedichi zaun asa tambddi Inglish. Bomboikaram tea kallar oslich red English uloytale ani hi osli bhas to bhes borem korun comedint ghaltalo.

Ek boro kantaram ghoddpi ani gavpi to zaun ghelo. Somazik ani dhormink vixoyancher tor tannem kitlixim borim kantaram mhunttlim pun Politicsancher kantaram mhunon tannem borench nanv zoddlem. Opinion Poll zalolo tednam tannem sabar rajkoranancher kantaram mhunttlim kim tea kallar tacho ek tiatr zo Bombaim ghelolo to census pass zaunk pasun khubuch trass podlet. Tachi rajkarnneachi kantaranchi khaxelponn mhonttlear to direct kednanch zhupatti dinaslo, bogor ranantlea zanavarancher ghalun, zoxe shinv, vag, kolle he toren tastalo. Tiatr pollenarank tachem kantar sarkem sozmotalem ani thaka porot porot apoytale. Ani tachea kantarnache motteponn mhunchem tancho duo zo to khas ghodtalo. Boyer ani to mhuntalet ani hem kantar kitlech pavtti encore yetalem. To music zannam aslo hea karanank lagon to chod xe aple sothachem songit bosoitalo. Austrian ani Germany music to aplea songitan vapurtalo.

Boro futtball player aslo kitlexea clubanim to khevla. Ponas vorsancher pasun to grounder bhurgeam sangatak khellonk vetalo. Kriketticho ani ghoddeanche resincho mogi.

Ganvche torneam kolakaranch-ea angant kola asa ti voir kaddunk Remmie-n ganvchea vigarachea adharan Talent Contest suru kel’lem.  Hi spordha azunui chalu asa.  Ani hea spordheant bhag ghetele zaitea tornatte aiz “professional” tiatristzaunk pauleat.ani tantuntlo hanv eklo.